መድሃኔ ተኽለማርያም (መድሃኔ ቺና) ታሪኽ ሂወት ጅገና ነባር ተጋዳላይ መድሃኔ ተኽለማርያም (መድሃኔ ቺና) ፍቅሩን ሕያውያን እንፈትዎ ሓውና ነፍስሄር ጅግና ነባር ተጋዳላይ መድሃኔ ተኽለማርያም፡ ካብ ኣቦ’ኡ ብላታ ተኽለማርያ መርሻን፡ኣደኡ ወይዘሮ ብርዛፍ መብራህቱ ብዕለት 26 ወርሒ ለካቲት 1956 ኣብ ሕምርቲ ከተማ ኣስመራ ኪዳነ ምህረት ተወሊዱ ኣብኡ ዓብዩን። ነፍስሄር መድሃኔ ኣብ መንጎ 10 ዓበይትን ንኣሽቱን ኣሕዋቱ መበል 7ይ ርእሲ ኣብ ስድራ ቤት ብላታ

ወዲ ኪዳነ ምህረት ኣስመራ ማእከል ጎይታ ዒላ ዛዕዳ ጎይታ ጎቦ ተከል ጎይታ ዓላኬብ ሰጣሕ ጎላጉል ጎይታ ዓራግ ዓራሪብ ሳሕል፡     ትሑት ተባዕ    ኣይጀሃር ኣይብዳዕ     መትከላዊ ጽኑዕ     ኣይስንኩፍ ኣይግዳዕ   ከም ዕምበባ መሮር  ጽጌናይ መዓር ዘይምኖ ዕላል ቁም ነገር ጅግና ጋሽ ሰቲት ኦምሓጀር ወዲ በዓቲ ወዲ ሰቐር፡      ሓይሊ ደበሳይ ወዲ በይድ      ዓንደብርሃን ኣበድ       ሰብ ካልሽን፡ሃውን ከቢድ